Parke Nasionál Nino Konis Santana (Nino Konis Santana National Park-NKSNP), hari iha tinan 2007, ne’ebé sai hanesan parke nasionál dahuluk iha Timor-Leste Lokaliza iha ponta leste ne’ebé abranje área 123,600 hektár iha parte leste nasaun ne’e, ne’ebé akumula paisajen oioin hahú husi area kosteira no zona korais ba too area montanas no floresta tropika desiduo ho karakteristika jeolojia fatuk ahu-ruin iha area rai as.Estabelesimentu NKSNP subliñia kompromisu nasaun nian atu prezerva ninia patrimóniu naturál úniku no promove dezenvolvimentu sustentavel no mós relasaun entre ema no natureza.
Komisaun Nasionál Timor Leste ba UNESCO (KNTLU) servisu hamutuk ho Ministériu Agrikultura, Pekuária, Peskas no Floresta no UNESCO Jakarta organiza workshop Nasionál ba Nomeasaun Parke Nasionál Nino Konis Santana hodi registu iha Organizasaun Mundial Nasoins Unidas UNESCO. Atividade ne’e hala’o iha munisípiu Lautem loron 8-9 Agostu 2024 durante loron rua nia laran, Iha vizita ba Parke Nasionál Nino Konis Santana Tutuala hodi hare direita sitiu arkeologia Lenehara, lagoa Ira-lalaro no pousada tutuala ne’ebé hala’o aprenzentasaun badak kona ba jestaun no diskusaun ho komunidade lokál iha area protezida ba Parke Nasionál Nino Konis Santana.
Prezidente autoridade Munisípiu Lautem Sr. Melio de Jesus hateten agradese ba Ministériu Agrikultura, Pekuária, Peskas no Floresta liu husi Sekretáriu Estadu ba Floresta ne’ebé halo ona programa ida ne’e servisu hamutuk ho liña ministeriál atu Nomea Parke Nasionál Nino Konis Santana ne’ebé dezidnada iha munisípiu Lautem bele registu iha Organizasaun Mundial UNESCO atu sai patrimonio estadu no povo Timor-Leste nian, senti orgulu Parke Nasionál Nino Konis Santana bele reprezenta estadu Timor-Leste atu bele promove ba iha mundu internasionál liuhosi Parke Nasionál Nino Konis Santana, tan ne’e lori komunidade Lautem tomak apoiu másimu hakarak fo apresiasaun no agradesementu ba Komité ne’ebé halo ona programa workshop internasionál ida ne’e.
Objetivu husi programa ida ne’e atu hari Komité MAB hodi prepara rekejitus tuir kriteria UNESCO nian no eleva tan estatutu hodi Nomea Parke Nasionál Nino Konis Santana ba registu iha UNESCO hodi nune’e bele hetan rekoinesimentu mundial sai hanesan patrimoniu mundial Timor-Leste nian, Parke Nasionál Nino Konis Santana hanesan rikosoin Timor nian ne’ebé persija proteze no halo prezervasaun.
Atividade ne’e hetan partisi husi Koordenadór Rezidente Nasoens Unidas nian iha Timor-Leste, Sr. Funmi Balogun, reprezentante UNESCO iha Jakarta, Sr. Ryuichi Fukuhara, Sekretáriu Estadu ba Floresta no entre bainaka sira seluk husi nasionál no internasionál.
