Ossu 09/05/2025 Komisaun Nasionál Timor-Leste ba UNESCO (KNTLU) halao Validasaun ba dadus Uma-lulik iha postu administrativu Ossu identifika ona total dadus provijoriu (431) uma-lulik iha suku 10.
Programa registu dadus uma-lulik hanesan programa ida ne’ebé hosi Divizaun Kultura (KNTLU) ne’ebé hetan apoiu husi UNESCO Paris. Atividade ida ne’e atu aprezenta dadus uma-lulik iha postu ossu ne’ebe asistente nain (10) simu orientasaun husi nasionál KNTLU nian hodi halao servisu rekoila ou foti dadus uma-lulik durante fulan ida nia laran. Tipu Dadus ne’ebe ekipa foti mak hanesan iha kategoria uma-lulik ne’e nia naran, nia kontrusaun ne’e halo ho materiál saida no uma-lulik ne’e iha suku parte ne’ebe nian no mos sei iha barak tan tuir formatu ne’ebé iha.
Objetivu husi validasaun no konfirmasaun dadus uma-lulik ne’e hanesan atu komfirma dadus hirak ne’e no atu kopera ho komunidade, lia nain no xefe suku no autoridade lokal sira hotu ne’ebé marka prezensa oinsa ita bele hare didiak dadus uma-lulik ne’e halo koreksaun ba iha uma-lulik nia naran, ou uma-lulik balu ne’ebe dauk registu atu nune’e wainhira los hotu ona foin bele elabora hotu dadus tomak iha munisípiu viqueque hodi publika ba iha livru.
Partisipa ba atividade ne’e reprezentante administrador postu ossu – eis administrador, xefe suku, lian nain, xefe joventude no komunidade sira.
