Projetu 2021 Telescopes for All, simu ona aplikasaun hamutuk 225 hosi nasaun 54 ho suporta ativu hosi Koordenador Nasional ba divulgasaun IAU (IAU National Outreach Coordinators, NOCs). Proposta sira-ne’ebé hili ona sai manan na’in, sei lori teleskópiu ba komunidade soasial ne’ebé presiza iha Polónia; ajuda feto no labarik feto sira iha Botswana no Mauritiu hodi hasoru disparidade edukasaun no hasa’e sira-nia asesu ba STEM; lori to’o mós ba área rural sira iha Malázia; no kampu refujiadus iha Jordánia, ho mós ezemplu seluk tan.
Teleskópia atribui ona ba proposta sira hanesan tuirmai:
Teleskópiu ba hotu-hotu iha Afghanistan, Grupu Atronómiku Kayhana, Afghanistan
Teleskópiu ba hotu-hotu iha Botswana, Eskola Paralelu Machana, Botswana
Tomorrow’s Stars (Astros do Amanhã), Leva Ciência Institute (Instituto Nacional Leva Ciência – INALC), Brazil
Teleskópiu ba hotu-hotu iha Ghana, Tetteh-Ocloo School for the Deaf, Ghana
Namma Teleskópiu, Open Space Foundation (OSF), Índia
Teleskópiu ba hotu-hotu iha Irake, Freelance, Al-Muthanna University (Lecturer), Irake
Teleskópiu ba hotu-hotu iha Jordánia, Jordanian Astronomical Society (JAS), Jordánia
Teleskópiu ba hotu-hotu iha Malázia, SJKT JUGRA School, Malázia
Teleskópiu ba hotu-hotu iha Mauritius, Hindu Girls’ College Astronomy Club, Mauritius
Enkontru Kalan ho Astronomia (Evening Meetings With Astronomy), Grupu Edukasaun Astronómika Black Ironworks, Polónia (The Black Ironworks Astronomical Education Group, Poland)
Teleskópiu ba hotu-hotu iha Samoa, Tiapapata Art Centre, Samoa
Teleskópiu ba hotu-hotu iha Timor Leste, Knua Sentrál ba Prátika Siénsia no Matemátika (KSP), Timor-Leste
Hanoin ba pandemia COVID-19, no hanesan ho edisaun ba tinan 2020, sei fornese mós kamera dijitál ba iha teleskópiu ida-idak, atu nune’e, profesionalizmu no edukador ne’ebé ba halo divulgasaun siénsia sira bele halo observasaun no fahe informasaun hotu ho seguru ba sira-nia komunidade, liuhosi maneira virtual to’o bainhira hasoru-malu oin-ho-oin seguru ona.
OAO no SSVI agredese tebes ba BRESSER ne’ebé halo ona doasaun ba teleskópiu, lente okular, kamera no surat-tahan solar, ba Universe Awareness / Universidade Leiden ba manda teleskópiu sira (shipping), no ba GILBOS ne’ebé suporta ona projetu ne’e. OAO no SSVI hakarak agradese mós ba indívidu no organizasaun sira-ne’ebé fó apoiu ba projetu no apoiu hodi monta parte fíziku teleskópiu nian liuhusi SSVI: Rob Walrecht Production for Educational
Materials, Eskola H. Familie Secundair of St. Niklaas, Erik Dijk, Koen Geukens, Makiko Aoki, observatóriu Wim Maats, André De Coster, Jos Pauwels no Observatóriu públiku Sterrenwacht Orion Streek bos of the Netherlands. Ami nia agradesimentu espesial ba siéntista sira hotu, Premiadu ba Prémiu Nobel no Astronauta hotu ba sira-nia apoiu ba projetu ne’e.
INFORMASAUN SELUK TAN
IAU hanesan organizasaun astronómiku internasionál ne’ebé halibur hamutuk astrónomu profesional ativu liu 12000 husi nasaun atus ida resin iha mundu tomak. Ho ninia misaun atu promove no salvaguarda astronomia iha aspetu hotu-hotu, inklui peskiza, komunikasaun, edukasaun no dezenvolvimentu, liuhusi kooperasaun internasionál.
IAU hanesan mós autoridade ne’ebé hetan rekoñesimentu internasionál hodi atribui designasaun ba astru sira iha lalehan no ba sira-nia karakterístika superfísiu. Hari íiha 1919, IAU hanesan instituisaun profesional boot liu iha mundu ba astrónomu sira.
IAU Office for Astronomy Outreach (OAO) hanesan projetu konjuntu ida husi Uniaun Astronómika internasionál (IAU) no Observatóriu Anstronómiku Nasional Japaun (National Astronomical Observatory of Japan, NAOJ). OAO nia missaun mak atu envolve públiku iha astronomia liuhusi asesu ba informasaun astronómika no ba komunikasaun ba siénsia astronomia nian. Ida-ne’e bele implementa husi rede IAU National Outreach Coordinator (NOCs) no inisiativa IAU nian kona-ba envolvimentu públiku. OAO nia servisu mak nu’udar ponte entre IAU no komunidade global astronomia sira, liuhusi kolaborasaun internasionál atu nune’e bele halo astronomia asesivel ba ema hotu.
Links
IAU Office for Astronomy Outreach Homepage
Contacts
Lina Canas
IAU OAO Director
Tel: +81-(0)422-34-3966
Email: lina.canas@nao.ac.jp
Jean Pierre Grootaerd
