Ermera 14 Fevereiru 2025, Koordenador Komunikasaun no Informasaun Komisaun Nasional Timor-Leste ba UNESCO (KNTLU) Sr. Emiliano G. da Costa e Silva hala’o atividade Semináriu Memória Mundu Nian Iha Munísipiu Ermera Postu Administrativu Ermera-Villa ne’ebe hateten katak Iha tinan 1992 UNESCO estabelese programa ida Memória Mundu nian. Programa nee sai nu’udar objetivu atu hodi sensibiliza ba Nivel Mundial konaba Ezisténsia no Signifikadu hosi patrimóniu documental, hodi fasilita nia prezervasa`un liu husi téknika sira ne’ebé apropriadu liu, no hodi promove asesu universál ba patrimóniu ida ne’e .
Komisaun Násional Timor-Leste ba UNESCO (KNTLU) hosi Divizaun Komunikasaun no Informasaun servisu hamutuk ho Ministériu Edukasaun kontinua hala’o semináriu kona ba Promove no Salvaguarda Patrimóniu Mundial Dokumentál hodi rejistu iha memória mundu nian. Programa ne’e hanesan desiminasaun informasaun kle’an kona ba Patrimóniu dokumental hanesan sasán antigu sira ezemplu hanesan fotografia, vídeo vizuál, uma antigu no seluk-seluk tan sasán hirak ne’e iha ona dezde avo bei’ala sira nian tempu tan ne’e persija próteze ou valoriza iha munisípiu Ermera.
Komunidade Ermera sente entuziasmu tanba hosi semináriu ne’e sira bele hetan informasaun di’ak tebes tanba sitiu fatin balu ne’ebé presiza prezerva no sasán antigu barak mak presiza prezerva iha munisípiu Ermera, komunidade fó agradese ba KNTLU no Ministériu Edukasaun bele realiza ona semináriu ne’e.
Objetivu hosi semináriu ne’e atu partilla hela informasaun ba komunidade sira kona ba Promove no Salvaguarda Patrimóniu Mundial Dokumentál hodi Registu iha Memória Mundu nian no halo transferénsia ba dijitalizasaun sasán antigu sira ne’e hodi salva dokumentu sira labele hetan estragus wainhira mosu dezastre ruma no prezerva dokumentus heransa nian, oinsa Promove asesu dokumentus heransa ba asesu universál.
Partisipa hosi atividade ne’e Administrador postu Ermera-Villa, chefe suku, aldeia, lia na’in no komunidade sira.
